PracTICa 12: Audacity

Unha vez vistos os rudimentos para usar o Audacity haberá que realizar as seguintes actividades ou exercicios, de xeito individual.

Entre todas estas has de facer as dúas primeiras e podes escoller unha terceira e cuarta entre as restantes que máis te chamen a atención ou te gusten, lembra, sendo as dúas primeiras obrigatorias para tod@s.

(É dicir, hai que facer a actividade 1 e a actividade 2 e escoller 2 entre a 4, 5 e 6 quen queira subir nota).

1.- Creación dun ambiente sonoro (Obligatoria). 

Usando diferentes sons crearemos un ambiente sonoro concreto, que pechando os ollos te sintas inmerso nesa nova realidade.

Por exemplo, un día de praia, unha noite de verán, o barullo dun patio de recreo,... o que queiramos.

Teranse que presentar ademais do resultado final os diferentes sons usados para facer a mestura. Podedes aloxar os sons no google drive.

A duración non debería de baixar de 30 segundos.

2.- Creación dunha narración mesturando voz humana e efectos sonoros e/ou música (Obligatoria).

Pódese crear un conto infantil, un poema, una narración similar a unha radionovela, una lección de clase, etc... a imaxinación marca o límite.
A duración do traballo non debería ser inferior a un minuto.

O texto interpretado pola voz human non ten que ser orixinal e pode ser unha adaptación. Nese caso deberedes citar ó autor.

Recoméndase facer en galego sempre que se poida, aínda que non é obrigatorio.



E aparte... escolle 2 calquera dos traballos de abaixo para subir nota______________


3.- Simulación de programa radiofónico de música.

 Consiste en coller un audio musical (ou un fragmento) e facer unha introdución narrada simultánea co audio, facendo que o volume da música baixe mentres o presentador fala, e viceversa.

A duración aproximada será a dunha canción.

4.- Redeseño dun son.

Usando as diferentes ferramentas e efectos do Audacity colleremos un son concreto e o transformaremos noutra cousa completamente diferente.

Presentarase o antes e o despois.

5.- Cuña publicitaria.

Usando unha mestura de sons e de voz humana, deseña unha cuña publicitaria que nos pode vender un producto, un servizo, ou ben denunciar ou gabar algo que vos preocupe.

A duración será de en torno a 20-40 segundos.



Lembra ir guardando os teus traballos na túa conta de Google Drive ou ben nun dispositivo externo de almacenamento. Tanto o arquivo de Audacity como os sons usados nel.

Edición básica con Audacity 

TUTORIAL BÁSICO

Bancos de recursos

Os Bancos de recursos son lugares onde existen arquivados e clasificados determinados tipos de ficheiros.

Neste caso os enlaces seguintes vannos levar a Bancos de recursos especializados en arquivos de son e música, estupendos para utilizar nas nosas producións dado que son de dominio libre, isto é, que se poden usar de balde.

Banco de Recursos do Ministerio de Educación e Ciencia (MEC), repleto de imaxes, vectores, sons, vídeos,...

FindSound. Extenso buscador de sons

Soungle. Unha extensa colección de sons de todo tipo. É interesante facer as búsquedas en español, pero tamén en inglés, porque é un banco de recursos internacional.

Sonidos Gratis. Portal sudamericano con sons gratuítos. Non é moi extenso e incorpora publicidade, pero é unha mostra máis do que podedes atopar na rede sen demasiado esforzo.

Música

En numerosas ocasión vémonos na necesidade de engadir música ós nosos traballos ou producións, e a tentación de empregar melodías de actualidade ou dos nosos grupos favoritos é moi alta, pois ó fin e o cabo, é a música que nos gusta.

Nambergantes, dita música está practicamente sempre suxeita a unha serie de dereitos que protexen a propiedade intelectual, o que nos obrigaría a pagar unha serie de costas ou royalties, ou mesmo a ser denunciados, se difundimos a nosa creación.

Iso sucede porque os artistas están protexidos por unha serie de entidades de xestión dos dereitos de autor, como a arquicoñecida SGAE, que se encargan de rastrear os eventos provistos de música para asegurarse de que pagan as taxas correspondentes.

A mellor solución para evitar estas cousas é utilizar música libre de dereitos de reprodución. No mundo hai milleiros de músicos, a veces de gran talento, que non están vinculados a discográficas ou simplemente teñen o interese de distribuír a súa música libremente e cobrar polas actuacións en directo.

As licencias que cobren estas músicas van dende cobros realmente simbólicos a acordos copyleft ou creative commons.

Vale moito a pena bucear un pouco en busca de temas musicais que non teñen nada que envidiar ós que xa coñecemos. e de paso nos culturizarmos musicalmente un pouco máis.

Algunhas direccións populares dende onde comezar a buscar son as seguintes.

JAMENDO A páxina en castelán máis popular. Trátase dun portal especializado en música onde os artistas, moitos deles de grande talento pero sen o apoio dunha discográfica, presentan e comparten os seus traballos.

Kevin McLoud. Es un músico que ofrece su creatividad a cambio de que enlaces su nombre en los créditos. Tiene una amplia variedad de bandas sonoras muy populares.

SOUNDCLOUD.O famoso portal de música e tamén sonidos e FX.

FREE PLAY MUSIC Ten artistas e tamén efectos de son.

ROYALTY FREE KINGS Un sitio con música sinfónica (sen voces) realmente espectacular e clasificada por temas. Podes usar plug-ins como o videodownloadhelper para descargar as cancións, sempre que non haxa afán de lucro.